Almatydaǵy «Alǵabas» shaǵyn aýdanynda eki mektep salynady
ALMATY. KAZINFORM – Almatyda «Keleshek mektepteri» ulttyq jobasy aıasynda eki sektep salynady.
«Alǵabas» shaǵyn aýdanynda salynatyn 2 myń jáne 1,2 myń oryndyq eki mekteptiń qurylysyna 5 mlrd teńge bólingen. Qarjylandyrý Qazaqstandaǵy oqýshy oryndarynyń tapshylyǵyn jáne úsh aýysymdy oqytýdy joıýǵa baǵyttalǵan «Keleshek mektepteri» ulttyq jobasy jáne qalalyq ákimdik janyndaǵy jobalyq keńsesiniń qoldaýymen iske asyrylyp jatqan «Almaty Business – 2025» óńirlik kásipkerlikti damytý baǵdarlamasy aıasynda júzege asyrylady.
– Mektepter STEM-zerthanalarymen, robototehnıka, fızıka, hımııa, bıologııa kabınetterimen, ıntellektýmmen, kompıýterlik synyptarmen, akt zalymen, medıatekamen, kovorkıngpen, sheberhanalarmen, sondaı-aq ashyq oıyn jáne sport alańdarymen jabdyqtalady, - dep habarlady ákimdikten.
Sonymen qatar mektepter jas ereksheligine qaraı bastaýysh, negizgi jáne orta bloktarǵa bólinip, árqaısysynda jeke ashana men sport zal qarastyrylady.
Mektepterdi ashý 2026 jylǵy qańtarǵa josparlanǵan.
Eske salaıyq, buǵan deıin Almatyda jańa mekteptiń joly úshin 11 jer telimi májbúrli túrde alynatynyn jazǵanbyz.