Almatydaǵy 40 qabatty keshen: qurylys aýmaǵynda ne bolyp jatyr
ALMATY. KAZINFORM — Almatyda 40 qabatty keshen salynbaq bolǵan aýmaqta jumys jalǵasyp jatyr. Buǵan deıin qala ákimdigi qurylysqa tyıym salý jóninde nusqama bergen edi.
Májilis depýtaty Baqytjan Bazarbek buǵan deıin Rams kompanııasy ákimdiktiń tyıymyna qaramastan, qurylysty qaıta jalǵastyrǵanyn málimdegen. Osydan keıin Kazinfom.kz tilshisi 2 qyrkúıekte qurylys júrip jatqan aýmaqqa baryp qaıtty.
Onda ekskavatorlar men júk kólikteri jumys istep, jumysshylar da júr.
Alaıda qurylys kompanııasynyń ókilderi nysanda qurylys emes, eski ǵımaratty buzý jumystary júrip jatqanyn túsindirdi.
Redaktsııa bul jaǵdaıǵa Almaty ákimdigine resmı saýal joldady. Alaıda materıal jarııalanǵanǵa deıin jaýap kelmedi.
Buǵan deıin Almatyda RAMS Beyond atty 40 qabatty keshenniń qurylysy ýaqytsha toqtatylǵany habarlanǵan edi. Bul nysanǵa qatysty qoǵamda rezonans baıqaldy.
Qalalyq qala qurylysy baqylaý basqarmasynyń málimetinshe, jer ıesine qatysty turǵyndardyń shaǵymy negizinde jospardan tys tekserý júrgizilip jatyr.
Tekserý barysynda qurylys kompanııasy jobalyq-smetalyq qujattamasyz, avtorlyq jáne tehnıkalyq qadaǵalaýsyz jáne qurylys bastalǵany týraly habarlamaı jumys bastaǵany anyqtalǵan.