Almatyda jumyssyzdyq deńgeıi tómendedi

Megapolıste eńbek naryǵyndaǵy jaǵdaı jaqsardy. 2023 jyldyń III toqsanynda jumyssyzdyq deńgeıi 4,8%-ǵa deıin tómendedi. Bul týraly óńirlik kommýnıkatsııalar qyzmetiniń brıfınginde qalalyq Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov aıtty, dep habarlaıdy Kazinform.

«Almatyda 2023 jyly Ulttyq jobalar aıasynda jáne kásipkerlik sýbektilerimen 89 995 jumys orny quryldy, onyń 81%-y nemese 72 824-i turaqty jumys oryndary. Osylaısha, halyqty jumyspen qamtý boıynsha memleket qolǵa alǵan barlyq shara qaladaǵy jumyssyzdyq deńgeıin 5%-dan 4,8%-ǵa deıin tómendetýge múmkindik berdi», - dedi Baýyrjan Jaýbasov.

Sondaı-aq ol 2024 jyly megapolıste jańa 90 508 jumys orny ashylatynyn tilge tıek etti.

Byltyr 10,3 almatylyqqa jeke kásibin ashý úshin granttar berildi.

«Bastaý Bıznes» jobasy jáne granttar boıynsha isin jańa bastaǵan 10,3 myń kásipker qoldaý aldy, bıznesti ashqysy keletin 135 jasqa 5 mln teńgege deıin jeńildikpen (jyldyq 2,5% - ben) shaǵyn nesıeler berildi. Kýrstardan 4 myńnan astam adam ótti, 31,3 myń oqýshy, stýdentter men jumyssyzdar arasynda kásiptik baǵdar ótkizildi», - dep atap ótti spıker.