Almatyda jolaýshylar tasymalyna 30 jańa avtobýs satyp alyndy

Almatyda jeke tasymaldaýshy «Madına» JShS syıymdylyǵy úlken (100 adamǵa deıin), gazben júretin Yutong markaly 30 jańa avtobýs (uzyndyǵy 12 metr) satyp aldy, dep habarlaıdy Kazinform.

Almaty ákimdiginiń málimetinshe, barlyq avtobýs tómen edendi, kondıtsıoner jáne peshpen jabdyqtalǵan.

"Bul avtobýstardyń esebinen №128 jáne №72 marshrýttar jańartylady. №128 marshrýtta - 17, al №72 marshrýtta 9 avtobýs jańartylady. Qoldanystaǵy avtobýstar №25 marshrýtqa jiberiledi.

Jalpy, sýbsıdııalaý sharty boıynsha tasymaldaýshylar ár 7 jyl saıyn jańa avtobýstar satyp alady. Bıyl jeke avtoparkter 355 jyljymaly birlik satyp aldy, onyń esebinen 22 marshrýt jańartylyp, 9 jańa marshrýt iske qosyldy", - dep habarlady Almaty ákimdiginiń baspasóz qyzmeti.

Jańa marshrýttar tizimi tómendegideı:

№ 9, 43, 49, 213, 223, 230, 233, 236, 240.

Jańartylǵan marshrýttar:

№ 8, 13, 15, 17, 24, 29R, 37, 38, 46, 47, 53, 65, 69, 88, 109, 115A, 119, 122, 125, 131, 207, 212.