Almatyda jol apatyna sebepker bolǵan polıtseı júrgizýshi kýáliginen aıyryldy
ALMATY. KAZINFORM – Almatyda esirtkige masań kúıde qyzmettik kólikpen eki jol apatyna sebepker bolǵan polıtseı jeti jylǵa júrgizýshi kýáliginen aıyryldy.
Almaty qalasynyń mamandandyrylǵan ákimshilik sotynda ÁQBtK-niń 608-babynyń 3-bóligimen K.-ǵa qatysty ákimshilik is materıal qaraldy.
Sotta anyqtalǵandaı, osy jyldyń qys mezgilinde K., esirtkige masań kúıinde qyzmettik kólikti aıdap, jol apatyna sebepker boldy.
Sotta ol is materıaldarynda kórsetilgen faktilerdi rastap, jasaǵan áreketine ókindi.
«Sot qaýlysymen K. kólik quralyn esirtkige masań kúıde basqarǵany úshin (ÁQBtK-niń 608-babynyń 3-bóligi) kináli dep tanylyp, jeti jylǵa júrgizýshi kýáliginen aıyryldy», - dep habarlady Almaty qalalyq sotynyń baspasóz qyzmeti.
Sot úkimi zańdy kúshine engen joq.
Buǵan deıin Almatyda polıtsııa maıory qyzmettik kólikpen apatqa ushyraǵany týraly jazǵan edik.
