Almatyda jyl sońyna deıin jańa avtobýstar jolǵa shyǵady

Almatynyń Túrksib aýdanynda osy jyldyń sońyna deıin jeti baǵyttaǵy jyljymaly quram jańartylady. Bul týraly baspasóz máslıhaty barysynda aýdan ákimi Baqytjan Aqjarov málim etti, dep habarlaıdy Kazinform.

Baqytjan Aqjarovtyń sózinshe, jańa qoǵamdyq kólikter №8, 13, 17, 38, 46, 47, 69, 130 baǵdarlarǵa shyǵatyn bolady.

«Túrksib aýdany turǵyndarynyń ótinishi boıynsha Qaırat shaǵyn aýdanynan Raıymbek metro stantsııasyna deıin №9 jańa avtobýs baǵyty iske qosyldy. Baǵytta barlyǵy 8 avtobýs júredi», - dedi ol.

Sondaı-aq, onyń aıtýynsha, 2024 jyly balalardy shalǵaıdaǵy shaǵyn aýdandardan tasymaldaıtyn «Mektep avtobýsy» jobasy keńeıtiledi. Qazirgi ýaqytta Túrksib aýdanynda 7 mektep avtobýsy bar. Olar aýdannyń bes mektebinen – №20, 32, 162, 115 jáne 89 balalardy tasymaldaıdy.

Buǵan deıin Almatyda 2025 jyldyń sońyna qaraı dızelmen júretin avtobýstar bolmaıtyny týraly jazǵan edik.

Memleket basshysy Qasym-Jomart Toqaev byltyr Almaty jurtshylyǵymen kezdesýinde eskirgen jáne ekologııalyq jaǵynan kóp zalal keltiretin kólik túrlerinen bas tartý kerek ekenin aıtqan bolatyn.