Almatyda jezókshelikpen aılanysqan 7 sheteldik ustaldy
ALMATY. KAZINFORM – Kóshi-qon qyzmeti olardy «Stop trafık» jedel aldyn alý is-sharasy barysynda anyqtaǵan.
«Tekserý barysynda Naýryzbaı aýdanyndaǵy úılerdiń birinde jezókshelikpen aınalysatyn orynǵa aınalǵan jeke turǵyn úı anyqtaldy. Ustalǵan on eki adamnyń jeteýi – kóshi-qon zańnamasyn óreskel buzǵan shetel azamattary. Atalǵan derek boıynsha quqyq buzýshylarǵa qatysty zańnamalyq sharalar qoldanyldy», - dedi qalalyq Polıtsııa departamenti Kóshi-qon qyzmeti basqarmasynyń bastyǵy, polıtsııa polkovnıgi Ashat Býtýnchınov.
Sonymen qatar departament baspasóz qyzmeti ıntımdik qyzmet kórsetilgen úıdiń ıesi Naýrzybaı aýdandyq PB-nyń qyzmetkerleri tarapynan jaýapkershilikke tartylǵanyn habarlady.
Aıta keteıik, buǵan deıin Medeý sport kesheni aldynda tóbeles bolyp, janjalǵa qatysqandardyń biri balta qoldanǵanyn jazǵanbyz. Polıtsııa qaqtyǵysqa qatysqan eki adamnyń da ustalǵanyn habarlady.
