Almatyda jer silkinisinen keıin mektep qabyrǵalarynda jaryqtar paıda boldy
ALMATY. KAZINFORM – Almatydaǵy jer silkinisi saldarynan keıbir mektepterdiń qabyrǵalarynda jaryqtar paıda boldy. Bul týraly qalalyq qurylys basqarmasy málim etti.
Basqarma málimetinshe, negizinen jaryqtar árleý materıaldarynda paıda bolǵan, ol salmaq túsetin qurylymdarǵa áser etpeıdi.
«TJD, Qazaq qurylys jáne sáýlet ǵylymı-zertteý jáne jobalaý ınstıtýty, Qala qurylysyn baqylaý basqarmasy, aýdandyq sáýletshiler jáne basqa da ýákiletti organdar mamandarynan quralǵan arnaıy komıssııa barlyq áleýmettik nysandy tekseredi. Sonyń nátıjesine sáıkes, barlyq tıisti shara qabyldanady»,- delingen habarlamada.
Sondaı-aq, jedel shtab qaladaǵy ǵımarattarǵa aıtarlyqtaı zııan kelmegenin jetikizdi. Tirshilikti qamtamasyz etý júıeleri qalypty rejımde jumys istep tur.