Almatyda jer silkinisine baılanysty Eurasia Jastar Cup hokkeı týrnıri ótpeıtin boldy

ALMATY. KAZINFORM — Qazaqstan hokkeı federatsııasy seısmologııalyq jaǵdaıǵa baılanysty Almatyda Eurasia Jastar Cup týrnırin ótkizbeý jóninde sheshim shyǵardy.

«Seımologııalyq jaǵdaıǵa, sondaı-aq, qatysýshy-komandalar men kórermen qaýipsizdigin qamtamasyz etý maqsatynda Qazaqstannyń hokkeı federatsııasy basshylyǵy 1-4 aqpan  aralyǵynda Almatyda ótedi dep josparlanǵan Eurasia Jastar Cup týrnırin ótkizbeý jóninde sheshim qabyldady» — delinedi Qazaqstan hokkeı federatsııasy taratqan habarlamada.

Federatsııa sondaı-aq týrnır aýysatyn basqa merzim jóninde qosymsha habarlanatynyn jáne barlyq jankúıerge satyp alǵan bıletiniń quny qaıtarylatynyn habarlady.