Almatyda Jeńistiń 80 jyldyǵyna arnalǵan alpınıada ótedi

ALMATY. KAZINFORM - 7 mamyr kúni ótetin alpınıada barysynda Panfılovshy batyrlar shyńy baǵyndyrylady.  

Almaty qalasy Alpınızm federatsııasynyń málimetinshe, adamdar qıyndyǵy 1A sanatyndaǵy jolmen taýǵa jappaı kóteriledi.

Alpınıada marshrýty: Medeý (1600 m) — Shymbulaq (2200 m) — Tuıyq-Sý (2500 m) — Myńjylqy (3000 m) — Mánshúk Mámetova muzdyǵy (3600 m) — Mánshúk Mámetova asýy (3850 m) — Panfılovshy batyrlar shyńy (4120 m).

— Alpınıadaǵa 16 jastan joǵary barlyq nıet bildirgen adamdardy qatysýǵa shaqyramyz. Oryn sany shekteýli — 700 adam. Qatysýshylar tósbelgi jáne sertıfıkatpen Panfılovshy batyrlar shyńynda marapattalady. Barlyq qatysýshylar aýa-raıyna, taýly ortaǵa sáıkes jabdyqtalýy kerek, shańǵy taıaqshalaryn paıdalaný usynylady, — dep habarlady federatsııadan.

Eske salaıyq, buǵan deıin Astanada paradzıýdodan álem chempıonaty ótetinin jazǵanbyz.