Almatyda jasóspirimdi qaǵyp, qashyp ketken júrgizýshi ustaldy
Almaty polıtsııasy jasóspirimdi qaǵyp, oqıǵa ornynan qashyp ketken júrgizýshini ustady, dep habarlaıdy Kazinform.
Polıtsııa departamentiniń málimetinshe, qaıǵyly oqıǵa Qalqaman shaǵyn aýdanynda bolǵan. Jaıaý júrginshiler ótkelinde GAZ-53 kóligin basqarǵan azamat jasóspirimdi qaǵyp, qashyp ketken. Bala oqıǵa ornynda kóz jumdy.
«Bir táýlikten keıin júrgizýshi Almaty oblysynda alkogol jáne esirtkige masań kúıde ustaldy. Kólik jaqyn mańdaǵy kósheden tabyldy. Ol jol apatynan keıin ony tastap, jaıaý qashyp ketken. Tekserý barysynda júrgizýshi 2020 jyly 7 jylǵa kólik quralyn basqarý quqyǵynan aıyrylǵany belgili boldy. Qazir ol qamaýda. Atalǵan derek QR QK-niń 345-baby 3-bóligi jáne QR QK-niń 347-baby boıynsha tergeý amaldary júrgizilip jatyr», – dedi Almaty qalasy PD JPQB izdestirý bóliminiń bastyǵy Qaısar Tólebekov.
QR QK-niń 201-babyna sáıkes ózge aqparat tergeý múddesine oraı jarııa etilmeıdi.
«QR Konstıtýtsııasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady», - dep atap ótti polıtsııa ókili.
