Almatyda jasyryn aýdıo jazýǵa arnalǵan qalam satqan turǵyn ustaldy

ALMATY. KAZINFORM – Almatyda zańsyz quraldardy satýmen aınalysqan turǵyn ustaldy.

Kúdikti - 42 jastaǵy er adam. Almaty polıtsııasy ony «Antifraud» respýblıkalyq is-sharasy aıasynda ustaǵan.

- Jedel is-sharalar nátıjesinde aýdıojazbalardy jasyryn alý úshin arnaıy tehnıkalyq qurylǵyny satý áreketi anyqtaldy. Turǵyn ustalǵanǵa deıin avtoqalam túrindegi tyńshylyq qurylǵyny satqan. Jetisý aýdandyq polıtsııa basqarmasynda aqparatty jasyryn alý úshin arnaıy tehnıkalyq quraldardy zańsyz óndirý, daıyndaý, alý, ótkizý nemese paıdalaný deregi boıynsha qylmystyq is qozǵaldy, - dedi qalalyq kıberqylmysqa qarsy kúres basqarmasynyń basshysy Anes Qaldybaev.

Eske salaıyq, buǵan deıin Almaty oblysynda jasóspirimdi qorqytyp, bopsalaǵandar ustalǵanyn jazǵanbyz.