Almatyda JI boıynsha halyqaralyq olımpıada bastaldy

ALMATY. KAZINFORM – Elimizde 30-31 qazan aralyǵynda FAIO 2025 – jasandy ıntellekt boıynsha ekinshi halyqaralyq olımpıada ótedi. Bul jasandy ıntellekt salasyndaǵy oqýshylardyń eń iri komandalyq jarysy sanalady. Bul týraly Oqý-aǵartý mınıstrliginiń baspasóz qyzmeti habarlady.

Bıylǵy irikteý kezeńine 9 elden 400-den astam komanda qatysty. Qazaqstan, Reseı, Bolgarııa, Grýzııa, Qyrǵyzstan, Ózbekstan, Armenııa, Tájikstan jáne Kıpr syndy elderden jalpy sany 1 200-ge jýyq qatysýshy baq synap, onyń ishinde 200-den astamy fınaldyq kezeńge joldama aldy.

Endi Almaty qalasynda ótetin fınalda 7 elden kelgen 51 komanda tartysqa túsedi.

Halyqaralyq báseke 2024 jyly alǵash ret ótkizildi. Oǵan elimizdiń ár óńirinen 300-den astam komanda qatysyp, olımpıada fınalısteri Beıjiń qalasynda ótken Halyqaralyq AI olımpıadasynda (IOAI) joǵary nátıjelerge qol jetkizdi. 

Buǵan deıin habarlaǵanymyzdaı, Parlament jasandy ıntellekt týraly zań qabyldady.