Almatyda jas qyz kópqabatty úıden qulap, mert boldy

ALMATY. KAZINFORM — Almatyda boıjetken kópqabatty úıden qulap, oqıǵa ornynda kóz jumdy.

Onyń vıdeosy áleýmettik jelide tarady. 

Ondaǵy málimet boıynsha, jas qyz Almaly aýdanynda ornalasqan «Altyn Bulaq 2» turǵyn úı kesheninen qulap ketken. 

Bul aqparatty Almaty qalasynyń polıtsııa departamenti rastady.

— Qylmystyq kodekstiń 105-baby («Ózin-ózi óltirýge deıin jetkizý, ózin-ózi óltirýge kóndirý nemese ózin-ózi óltirýge yqpal etý») boıynsha, Almaly aýdandyq polıtsııa basqarmasynda qylmystyq is qozǵaldy. Oqıǵanyń sebebi men mán-jaıy anyqtalyp jatyr, — dep habarlady Almaty qalalyq polıtsııa departamentiniń baspasóz qyzmeti.

Vedomstvodan naqtylaǵandaı, qaza bolǵan boıjetken 2005 jyly týǵan.

Byltyr Almatyda kópqabatty úıden eki jasóspirim qyz qulap, kóz jumǵan bolatyn. 

Sondaı-aq Almatyda kópqabatty úıdiń terezesinen qulaǵan áıeldiń beınejazbasy áleýmettik jelide taraǵan edi.