Almatyda jańa týrıstik aqparattyq ortalyq ashyldy
ALMATY. KAZINFORM – Megapolıste týrısterge arnalǵan toǵyzynshy aqparattyq ortalyq ashyldy. Jańa ortalyq 10:00-20:00 aralyǵynda adamdardy qabyldaıtyn bolady.
Týrıstik ortalyq Dostyq dańǵyly-Ospanova kósheleriniń qıylysynda ornalasqan. Aqparattyq ortalyqtyń birden-bir ereksheligi — ǵımarat ishi 1960-80 jyldardyń sýretshileri Moldahmet Kenbaev pen monýmentalıst Nıkolaı Tsıvchınskıı jasaǵan qabyrǵadaǵy ásem mozaıkalyq órnekpen bezendirilgen.
«Bul kásibı keńes pen megapolıstegi kórikti jerler týraly aqparat alýǵa bolatyn, jańadan ashylǵan toǵyzynshy aqparattyq ortalyq. Jáne de týrısterge yńǵaıly bolýy úshin qajetti kartalar, atlas pen marshrýttar qamtamasyz etilgen. Aqparattyq ortalyq Tereńqurdyń sońǵy aıaldamasy men Ospanov kóshesinde bastalatyn Ortalyq Azııadaǵy eń úlken graffıtı qabyrǵanyń janynda ornalasqan», — dedi Almaty qalasy Týrızm basqarmasynyń basshysy Ǵalııa Toqseıitova.
