Almatyda zańsyz jekeshelendirilgen saıabaq memleketke qaıtaryldy

ASTANA. KAZINFORM — Almaty qalasynyń prokýratýrasy kópqabatty turǵyn úı salý úshin zańdy tulǵaǵa 2,8 gektar jer telimin zańsyz berý faktisin anyqtady.

«Taldaý kórsetkendeı, 2007 jyly jergilikti atqarýshy organ Almaty qalasynyń Bas josparynyń erejelerin jáne egjeı-tegjeıli josparlaý jobasyn elemeı, zańdy tulǵaǵa saıabaq aımaǵy qarastyrylǵan ýchaskege jeke menshik quqyǵyn bergen.

Keıinnen bul jer shamamen 2,3 mıllıard teńge ótemaqy tólenip, memleket muqtajy úshin tárkilendi», — dep jazdy baqylaýshy organnan.

Ýákiletti organ qadaǵalaý aktisin oryndaý úshin Almaty qalasy ákiminiń qaýlysyn jáne odan keıingi azamattyq-quqyqtyq mámilelerdi zańsyz dep taný týraly talap aryz berdi.

2024 jylǵy 26 naýryzda apellıatsııalyq satydaǵy sot talaptardy tolyq qanaǵattandyrdy.