Almatyda zańsyz salynǵan eki qabatty ǵımarat buzyldy
ALMATY. KAZINFORM – Almatydaǵy Qydyrbekov kóshesi, 41 mekenjaıdaǵy eki qabatty ǵımarat buzyldy.
Almatynyń qala qurylysyn baqylaý basqarmasynyń málimetinshe, menshik ıesi ruqsat qujattaryn usynbastan, qurylys júrgizgen.
«2023 jyldyń 27 naýryzynda basqarma menshik ıesine qatysty ákimshilik shara qabyldap, buzýshylyqtardy joıýǵa nusqama berdi. Menshik ıesi nusqamany oryndamaǵandyqtan, ótken jyldyń 25 maýsymynda Almatynyń Naýryzbaı aýdandyq sotyna osy ǵımaratty buzýǵa talap aryz túsirdi. Sol jyldyń 30 qazanynda buzý týraly talap qanaǵattandyryldy», - dep habarlady basqarmadan.
Sot sheshimin oryndaý úshin buryn menshik ıesi nysandy óz betinshe bólshekteýdi bastaǵan, búgin sot oryndaýshylarynyń qatysýymen kúrdeli qurylymdardy buzyldy.
Buǵan deıin Almatyda zańsyz salynyp jatqan «Mechta» turǵyn úı keshenin buzý jumystary bastalǵany týraly jazǵan edik.
