Almatyda zańsyz kólik jýý orny súrildi
ALMATY. KAZINFORM — Almatynyń qala qurylysyn baqylaý basqarmasy Ahmedııarov kóshesi, 18/58 mekenjaıyndaǵy kólik jýý jáne servıs ortalyǵynyń súrilgeni týraly habarlady.
Basqarma málimetinshe, jospardan tys tekseris barysynda jobalyq-smetalyq qujattamasyz, avtorlyq jáne tehnıkalyq qadaǵalaýsyz, burynǵy ǵımaratty buzyp, bir qabatty 2 ǵımarattyń salynyp, olar kólik jýý jáne maı aýystyrý beketi retinde paıdalanylyp jatqany anyqtalǵan.
Nysan ıesine qatysty ákimshilik sharalar qoldanylyp, ǵımarattardy buzý týraly nusqama berilgen. Al 2024 jyly 16 qańtarda basqarma Almaty qalasy mamandandyrylǵan aýdanaralyq ekonomıkalyq sotyna atalǵan nusqamany májbúrlep oryndatý týraly talap aryz berdi.
— Sot basqarmanyń talabyn qanaǵattandyryp, 2024 jyly 20 maýsymda Almaty qalalyq sotynyń qaýlysymen birinshi satyly sot sheshimi ózgerissiz qaldyryldy. Búginde sot sheshimin oryndaý maqsatynda zańsyz salynǵan ǵımarattardy ıesi ózi buzyp tastady, — dep habarlady basqarmadan.
Eske salaıyq, buǵan deıin Almatynyń taý bókterinde zańsyz qurylys nysany súrildi.