Almatyda zańsyz calynǵan iri nysan buzylyp jatyr

ALMATY. KAZINFORM – Taýgúl-3 shaǵynaýdany Beket Ata kóshesi, 46 mekenjaıynda ornalasqan eki qabatty ǵımarat sot sheshimi boıynsha buzyla bastady.

Bul týraly Almatynyń qala qurylysyn baqylaý basqarmasynyń ókilderi aıtty.

Nysannyń ıesi (jeke tulǵa) qurylysty ruqsatsyz júrgizgen. Basqarma tarapynan ákimshilik sharalar qoldanylyp, zań buzýshylyqty joıý týraly nusqama berildi.

– Atalǵan is nysandy súrý týraly sheshim qabyldaý úshin sotqa joldanǵan bolatyn. 2025 jyly 20 qarashada Áýezov aýdandyq sotynyń sheshimimen Qala qurylysyn baqylaý basqarmasynyń talaptary qanaǵattandyryldy, - delingen habarlamada.

Sot sheshimin oryndaý maqsatynda nysandy menshik ıesi ózi buzyp jatyr.

Eske salaıyq, buǵan deıin Almatydaǵy Jandosov kóshesi, 78A mekenjaıynda ornalasqan jazǵy terrasasy bar kýlınarııa nysany sot sheshimimen zańsyz dep tanylǵan edi.