Almatyda ústel tennısinen WTT Contender Almaty týrnıri ótedi

ASTANA. KAZINFORM – 2-7 qyrkúıek aralyǵynda Almatyda ústel tennısinen halyqaralyq WTT Contender Almaty týrnıri ótedi. 

Ulttyq olımpıadalyq komıtettiń málimetinshe, bıylǵy dodaǵa 21 elden 143 sportshy qatysady. Olardyń qatarynda Aýstralııa, Vetnam, Germanııa, Úndistan, Iran, Ispanııa, Qytaı, Ońtústik Koreıa, Lıýksembýrg, Malaızııa, Meksıka, Rýmynııa, Saýd Arabııasy, Serbııa, Sıngapýr, Slovakııa, Slovenııa, Ózbekstan, Frantsııa, Japonııa jáne Qazaqstan bar.

Almatyda ústel tennısiniń álemdik juldyzdary óner kórsetedi. Olardyń ishinde Eýropanyń úsh dúrkin chempıony Darko Iorgıch (Slovenııa), jastar arasyndaǵy álem chempıonatynyń kúmis júldegeri Sora Matsýshıma (Japonııa), Olımpıada oıyndarynyń kúmis júldegeri Shan Sıaona (Germanııa) jáne álem chempıonatynyń qola júldegeri Honoký Hashımoto (Japonııa) bar.

Jarysta erler men áıelder arasynda jekeleı, juptyq jáne aralas sanattar boıynsha medaldar sarapqa salynady.

Halyqaralyq týrnır ADD Ustel Tennis Ortalygy ortalyǵynda ótedi.

Buǵan deıin qazaqstandyq tennısshi Aleksandr Býblıktiń AQSh chempıonyn jarys jolynan taıdyrǵanyn jazǵan edik.