Almatyda týrıster úshin jańa aqparattyq ortalyq ashylady
ALMATY. KAZINFORM – Almatyda 15 mamyr kúni Dostyq dańǵyly men Ospanov kóshesiniń qıylysynda týrıster úshin jańa aqparattyq ortalyq ashylady.
Ortalyqtyń jumys ýaqyty saǵat 10:00-den 20:00-ge deıin, demalyssyz jumys isteıdi.
Almaty ákimdiginiń málimetinshe, bul megapolıstegi toǵyzynshy týrıstik aqparattyq ortalyq bolmaq. Vızıt ortalyǵynyń ereksheligi, graffıtı elementterin qoldanatyn zamanaýı dızaınynda.
Aqparattyq ortalyqta qalanyń kórikti jerleri týraly kásibı keńester beriledi. Budan bólek, saıahatshylarǵa kartalar, nusqaýlyqtar, marshrýttar atlastary men ózge de qajetti materıaldar usynylady.
«Byltyr aqparattyq ortalyq sheteldik týrısterdiń qalaǵa degen qyzyǵýshylyǵynyń artqanyn kórsetti. 2023 jyly ortalyqtardan 21 391 sheteldik týrıst keńes aldy, bul 2022 jylmen salystyrǵanda 80,3 paıyzǵa kóp. Aqparattyq núktelerdegi qyzmet kórsetý boıynsha úzdik 5 elge Germanııa, Úndistan, QHR, Reseı jáne Ońtústik Koreıa azamattary kiredi», - dep habarlady ákimdikten.
