Almatyda turǵyn úıge zańsyz qosylǵan nysan buzyldy
ALMATY. KAZINFORM – Almatynyń qala qurylysy baqylaý basqarmasy Aqan Seri kóshesi, 18-úı mekenjaıynda ornalasqan nysannyń súrilgeni týraly habarlady.
Jospardan tys júrgizilgen tekserý barysynda atalǵan qosalqy nysannyń ruqsatsyz salynǵany anyqtaldy.
Nysan ıesine (jeke tulǵaǵa) qatysty ákimshilik sharalar qabyldanyp, zańbuzýshylyqtardy joıý týraly nusqama berildi.
– 2025 jyly 9 qazanda Ákimshilik quqyq buzýshylyqtar jónindegi mamandandyrylǵan aýdanaralyq sottyń qaýlysymen nysan ıesi kináli dep tanylyp, zańsyz salynǵan qurylysty májbúrlep buzý týraly sheshim shyǵaryldy, - delingen habarlamada.
Qala qurylysyn baqylaý basqarmasynyń málimetinshe, birer kún buryn qosalqy nysandy buzý jumystary sot sheshimin oryndaý maqsatynda bastalǵan.
Eske salaıyq, buǵan deıin Almatydaǵy Osıpenko kóshesinde ornalasqan irgetas ústine metall qurylymnan salynǵan qosymsha qurylys buzylǵanyn jazǵanbyz.