Almatyda turǵyn úı aýlasynda balany toq soqty
ALMATY. KAZINFORM — Almatydaǵy turǵyn úılerdiń biriniń aýlasynda kishkentaı qyzdy toq soqqan.
Bul týraly áleýmettik jelide zardap shekken balanyń anasy aıtty. Onyń sózinshe, oqıǵa Navoı, 39 mekenjaıynda ornalasqan turǵyn úıdiń aýlasynda bolǵan.
— Úı aýlasyndaǵy sham baǵasynyń janynda bir armatýra shyǵyp turdy. Oınap júrip qyzym soǵan tıip ketti de, qulap tústi. Keıin armatýradan toq soqqanyn túsindim. Qyzym qazir jansaqtaý bóliminde jatyr, — dedi balanyń anasy.
Almaty qalasynyń polıtsııa departamenti atalǵan derek boıynsha Áýezov aýdanyna qarasty polıtsııa bólimi tekserý júrgizilip jatqanyn málimdedi.
— Іstiń naqty mán-jaıy anyqtalǵannan keıin qoldanystaǵy zańnamaǵa sáıkes sharalar qabyldanatyn bolady, — dep habarlady polıtsııadan.
Qyzdyń jaǵdaıyna baılanysty Almaty qalasynyń Qoǵamdyq densaýlyq saqtaý basqarmasyna saýal joldadyq.
Eske salaıyq, buǵan deıin Qonaevtaǵy demalys aımaǵynda tok soqqan 11 jasar bala kóz jumdy.