Almatyda tergeý ızolıatorynan qashpaq bolǵan kúdikti ustaldy

ALMATY. KAZINFORM – Almatynyń tergeý ızolıatorynda urlyq jasady degen kúdikpen qamaýǵa alynǵan adam qashýǵa áreket jasady.

- Ol qabyldanǵan sharalardyń arqasynda ustaldy. Bul fakti boıynsha qylmystyq is qozǵaldy, sondaı-aq qyzmettik tergeý bastaldy, - dep habarlady Qylmystyq-atqarý júıesi komıtetiniń baspasóz qyzmeti.

Eske salaıyq, byltyr Almatyda er adam qaraýyl jasaǵynyń qyzmettik kóliginen qashyp ketkenin jazǵanbyz.

Kúdiktini tártip saqshylary ustady. 

Odan buryn Talǵar aýdandyq polıtsııa basqarmasynyń ýaqytsha ustaý ızolıatorynan qyz zorlady degen kúdikpen qamaýda otyrǵan azamat qashyp ketken edi. 

Keıin kúdikti K. Tereńqara aýylynyń shetinde ustaldy.