Almatyda tanysyn pyshaqtaǵan er adam ustaldy

ALMATY. KAZINFORM – Almatyda jyldam qımyldaıtyn arnaıy jasaq qyzmetkerleri tanysyn jaraqattaǵan kúdiktini ustady.

Polıtsııanyń habarlaýynsha, Almatynyń Medeý aýdanynda eki er adam arasynda janjal shyǵyp, olardyń biri ekinshisin pyshaqtaǵan. Kúdikti osydan keıin oqıǵa ornynan boı tasalamaq bolǵan. JQAJ qyzmetkerleri er adamdy tez arada qolǵa túsirdi.

– Bizdiń jaýyngerler jedel ári úılesimdi áreket etti. Negizgi mindet – azamattardyń qaýipsizdigin qamtamasyz etý jáne quqyqqa qarsy áreketterdiń jolyn kesý. Kúdikti oqıǵa ornyna jaqyn aýmaqta ustaldy, qazirgi ýaqytta aınaladaǵy adamdar úshin qaýip joq, - dedi Almaty polıtsııa departamenti jyldam qımyldaıtyn arnaıy jasaq komandıri Azamat Eserǵojın.

Qazirgi ýaqytta qozǵalǵan qylmystyq is aıasynda oqıǵanyń barlyq mán-jaıyn jan-jaqty jáne obektıvti anyqtaýǵa baǵyttalǵan tergeý is-sharalary júrgizilip jatyr.

Eske salaıyq, buǵan deıin Jańaózende 44 jastaǵy er adam pyshaq jaraqatynan qaza bolǵanyn habarlaǵan edik.