Almatyda tanymal kompanııa 40 qabatty keshenniń qurylysynan bas tartty
ALMATY. KAZINFORM – RAMS QAZAQSTAN kompanııasy Almatyda 40 qabatty keshendi salmaıdy.
Resmı málimdemege sáıkes, kompanııa 2025 jyldyń qyrkúıek aıynan bastap BEYOND ALMATY jobasynyń bas merdigeri bolýdan bas tartqan.
- BEYOND ALMATY jobasyna baılanysty barlyq másele boıynsha jer ýchaskesiniń menshik ıesi men «BR Construction Qazaqstan» JShS tapsyrys berýshisine júginý qajet, - delingen kompanııa málimdemesinde.
Eske salaıyq, Tımırıazev kóshesi men Seıfýllın dańǵylynyń qıylysynda 40 qabatty keshenniń salynýy almatylyqtar arasynda narazylyq týdyrdy. Májilis depýtaty Sergeı Ponomarev 40 qabatty ǵımarat qurylysyna qarsy shyqty.
Keıin Almatyda 40 qabatty keshenniń qurylysy toqtatyldy.
Depýtattyq saýalǵa jaýap bergen Almaty ákimi megapolıstegi 40 qabatty ǵımarattyń qurylysyna tyıym salynbaıtynyn málimdedi.
Buǵan deıin Almatyda qandaı jaǵdaıda bıik ǵımarat salýǵa ruqsat beriletinin jazǵanbyz.