03:18, 06 Shilde 2024 | GMT +6
Almatyda taǵy bir kóshe qyrkúıek aıyna deıin jabylady
ALMATY. KAZINFORM — Almatyda qyrkúıek aıyna deıin Toqtabaev kóshe jylý jelilerin qalpyna keltirý úshin jabylady.
6 shilde men 15 qyrkúıek aralyǵynda Almaty qalasynyń Áýezov aýdanyndaǵy Toqtabaev kóshesi Semıatov kóshesinen Týrgenev kóshesi arqyly Cherepanov kóshesine deıin avtokólik qozǵalysy shekteledi.
Kórsetilgen ýchaskedegi qozǵalys eki baǵytta da jabylady.
«1990 jyldan bastap paıdalanýǵa berilgen jalpy uzyndyǵy 810 metrlik qubyrdy aýystyrý kezinde qaýipsizdikti qamtamasyz etý úshin jabylady»,- dep habarlady «Almaty jylý jelileri» JShS.
Almatyda bıyl uzyndyǵy 250 km bolatyn 274 kóshe ortasha jóndeýden ótedi, osylaısha 92%-ǵa deıin joldyń úlesin jaqsy jáne qanaǵattanarlyq jaǵdaıda jetkizý josparlanǵan.
