Almatyda taǵy bir kóshe 3 aıǵa jabylady
ALMATY. KAZINFORM — Almatyda Júrgenov kóshesinde kólik qozǵalysy shekteledi.
8 maýsym men 15 qyrkúıek aralyǵynda Almaty qalasynyń Medeý aýdanynda Júrgenov kóshesi boıynsha Jetisý kóshesinen Tıan-Shan -Jangeldın kóshesine deıingi aralyqta kólik qozǵalysy shekteledi.
Qozǵalys eki jaqqa da jabylady.
«1988 jyly paıdalanýǵa berilgen, atalǵan kósheniń júris bóliginiń astynan ótetin uzyndyǵy 695 metr qubyrdy rekonstrýktsııalaý ýchaskesinde josparly jumystardy júrgizý qaýipsizdigin qamtamasyz etý úshin ýaqytsha shekteýler engiziledi», - dep habarlady «Almaty jylý jelileri» JShS
Bul qubyr 18 kóppáterli turǵyn úıdi, 61 jeke úıdi, 1 balabaqshany, 1 mektepti jáne 13 ózge de obektilerdi jylýmen jáne ystyq sýmen qamtamasyz etedi.
Joǵaryda kórsetilgen tutynýshlar rekonstrýktsııa kezinde ystyq sýmen jabdyqtalady.
«Ýaqytsha qolaısyzdyqtarǵa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz»,- dep atap ótti «Almaty jylý jelileri» JShS.
Buǵan deıin Almatyda Maqataev kóshesi 3 aıǵa jabylatyny týraly jazǵan edik.
Aıta keteıik, bıyl megapolıste uzyndyǵy 250 shaqyrym bolatyn 274 kóshege ortasha jóndeý jumystaryn júrgizý josparanǵan.
