Almatyda taǵy 211 zańsyz saýda nysany buzyldy
ALMATY. KAZINFORM — Almatyda memlekettik qordyń jerinde ornalasqan ruqsatsyz salynǵan saýda oryndary men statsıonarlyq emes saýda nysandaryn buzý jumystary jalǵasyp jatyr.
Almaty ákimdiginiń málimetinshe, memlekettik jáne quqyq qorǵaý organdarynyń ókilderi, máslıhat depýtattary men qoǵamdyq keńes múshelerinen quralǵan komıssııa sheshimimen 211 zańsyz saýda orny (102 dúńgirshek jáne 109 kúsh ólshegish) buzylyp, 270 kásipkerge eskertý hat berildi.
Aıta ketý kerek, qyzmet túrine qaramastan, barlyq zańsyz saýda nysany buzylyp jatyr. Ásirese, kóshe taǵamdaryn satatyn oryndar erekshe nazarǵa alyndy.
– Zańsyz dúńgirshekter kóbinese aryqtardyń ústine qoıylady, sanıtarlyq norma saqtalmaǵan, dárethana joq. Olar mektepterdiń, balalar júretin oryndardyń janynda ornalasqan. Keıin tamaqtan ýlanýy múmkin , - deıdi qala turǵyny Evgenıı Bogachev.
Qalanyń máslıhat depýtaty, kóriktendirý máselelerimen belsendi aınalysyp júrgen Tımýr Eleýsizov buzylǵan saýda oryndarynyń barlyǵy elektr jelilerine zańsyz qosylǵanyn, bul qalanyń ınfraqurylymyna qosymsha júkteme túsiretinin atap ótti.
Osyǵan deıin megapolıste 21 zańsyz ornatylǵan dúńgirshek buzylǵany týraly jazǵan edik.
Aıta keteıik, qalada 157 statsıonarlyq emes saýda nysandaryn ornalastyrýǵa arnalǵan 142 oryn bekitilgen.
Eske salsaq, buǵan deıin statsıonarlyq emes zańsyz saýda nysandardyń buzylatyny týraly jazǵan edik.