Almatyda sý tarıfteri ózgere me

ALMATY. KAZINFORM — 2025 jylǵa deıin qoldanysta bolǵan tarıftiń aıaqtalýyna baılanysty Almatyda 1 aqpannan bastap 2029 jylǵa deıin jaramdy tarıfter engizildi.

Bul týraly óńirlik kommýnıkatsııalar qyzmetinde ótken brıfıng barysynda «Almaty Sý» memlekettik kommýnaldyq kásipornynyń ótim departamentiniń dırektory Serik Shaǵyrov aıtty.

— 2025 jylǵa deıin qoldanysta bolǵan tarıftiń aıaqtalýyna baılanysty Almatyda 1 aqpannan bastap 2029 jylǵa deıin jaramdy tarıfter engizildi. Tıisinshe, tarıfter endi ózgermeıdi. Olar jyl basynda jyldaǵy ındeksatsııamen bekitildi, — dedi ol.

Eske salaıyq, 2025 jyldyń 1 aqpannan bastap 2020-2024 jyldarǵa arnalǵan buryn bekitilgen tarıfterdiń qoldanylý merziminiń aıaqtalýyna baılanysty sýmen jabdyqtaýǵa jáne sý burýǵa jańa tarıfter engizildi. Sýmen jabdyqtaýdyń ortasha tarıfi bir tekshe metri úshin 135,24 teńge, sý burýdyń bir tekshe metri — 83,54 teńge boldy.

Buǵan deıin qala ákimi Erbolat Dosaev, Almatyda kommýnaldyq tarıfter sýbsıdııalanatyny týraly aıtqan bolatyn. 

Bıyl 141 700 almatylyqqa kommýnaldyq qyzmet aqysyn tóleýge 25 myń teńgeden beriledi.