Almatyda stýdentterdiń jeke derekteriniń taralýy: sotqa deıingi tekserý bastaldy
ALMATY. KAZINFORM – Almaty prokýratýrasynyń nusqaýymen derbes derekterdi taratý boıynsha sotqa deıingi tergep-tekserý bastaldy.
«14 aqpan kúni Bostandyq aýdanynyń Polıtsııa basqarmasymen ál-Farabı atyndaǵy QazUÝ stýdentteriniń medıtsınalyq qupııany quraıtyn jeke derekter men málimetterdi taratý faktisi boıynsha QR Qylmystyq kodeksiniń 147-baby (jeke ómirge qol suǵylmaýshylyqty jáne Qazaqstan Respýblıkasynyń derbes derekter jáne olardy qorǵaý týraly zańnamasyn buzý) boıynsha sotqa deıingi tergep-tekserý tirkeldi», - dep habarlady Almaty qalasy prokýratýrasynyń baspasóz qyzmeti.
Qazirgi ýaqytta qylmystyq is aıasynda tergeý áreketteri júrgizilip jatyr.
Eske salaıyq, Ǵylym jáne joǵary bilim mınıstri Saıasat Nurbek Almatydaǵy joǵary oqý oryndarynyń birinde stýdentterdiń jeke málimetteriniń taralyp ketýi oqıǵasyna qatysty pikir bildirgen edi.
