Almatyda stýdentterdiń jeke derekteriniń taralýy: sheshim áli qabyldanǵan joq

ASTANA. KAZINFORM – Densaýlyq saqtaý mınıstri Aqmaral Álnazarova Almatydaǵy joǵary oqý oryndarynyń birinde stýdentterdiń jeke medıtsınalyq derekteriniń jelide taraýyna qatysty pikir bildirdi.

«Bul – Ǵylym jáne joǵary bilim mınıstrligine qarasty másele. Mınıstr Saıasat Nurbek tıisti aqparatpen bólisti. Tergep-tekserý amaldary áli júrip jatyr, naqty sheshim áli qabyldanǵan joq. Sheshim qabyldanǵannan keıin aqparatpen bólisemiz», - dep jaýap berdi Aqmaral Álnazarova vedomstvonyń keńeıtilgen alqa otyrysynan keıin ótken baspasóz máslıhatynda.

Sondaı-aq, mınıstr patsıentterdiń jeke medıtsınalyq derekteri jalpy jarııalaýǵa jatpaıtynyn aıtty.

Eske sala ketsek, Almatyda stýdentterdiń jeke derekteriniń taralýyna qatysty sotqa deıingi tekserý bastalǵany týraly habarlaǵan edik. 

Bolǵan jaıtqa qatysty Ǵylym jáne joǵary bilim mınıstri Saıasat Nurbek pikir bildirgen edi.