Almatyda stýdentter arasynda jappaı tóbeles boldy

ALMATY. KAZINFORM - Almatyda ál-Farabı atyndaǵy Qazaq ulttyq ýnıversıtetine jaqyn mańda jappaı tóbeles boldy. Bul aqparatty Almaty qalasynyń Polıtsııa departamenti rastady.

Polıtsııa málimetine sáıkes, janjalǵa 20-ǵa jýyq stýdent qatysqan.

- Bostandyq aýdandyq polıtsııa basqarmasy 20 adamǵa qatysty buzaqylyq boıynsha qylmystyq is qozǵady. Qaqtyǵysqa qatysýshylardyń barlyǵy ustalyp, polıtsııaǵa jetkizildi. Oqıǵanyń barlyq mán-jaıy anyqtalyp jatyr, - dep habarlady qalalyq PD baspasóz qyzmeti.

Eske salaıyq, buǵan deıin Almaty oblysynda álimjettik jasaǵan jasóspirimder ústinen is qozǵalǵanyn jazǵanbyz. 

Sondaı-aq jappaı tóbeles kezinde tanysyn abaısyzda óltirip alǵan aqtóbelikke sot úkimi shyqqanyn jazǵan edik.