Almatyda sot sheshimimen turǵyn úıdiń bir qabaty buzyldy
ALMATY. KAZINFORM – Qala qurylysyn baqylaý basqarmasynyń ókilderi Shaqshaq-Jánibek kóshesi, 3 mekenjaıynda ornalasqan turǵyn úıdiń úshinshi qabatynyń buzylǵanyn habarlady.
Jospardan tys tekserý barysynda menshik ıesi (jeke tulǵa) ruqsatsyz turǵyn úıdi qaıta jańǵyrtyp, jalpy aýmaǵy shamamen 200 sharshy metr bolatyn úshinshi qabatty salǵany anyqtaldy.
– Menshik ıesine qatysty ákimshilik sharalar qoldanylyp, anyqtalǵan zańbuzýshylyqtardy belgilengen merzimde joıý týraly nusqama berildi, - delingen habarlamada.
Menshik ıesi nusqama talaptaryn oryndamaǵandyqtan, basqarma Medeý aýdandyq sotyna úshinshi qabatty buzý týraly talap aryz berdi.
– 2025 jyly 22 tamyzda sot sheshimimen talap aryz qanaǵattandyryldy. Sot sheshimin oryndaý úshin menshik ıesi nysandy buza bastady, - dep habarlady vedomstvo.
Eske salaıyq, buǵan deıin Almatyda «Mádenıet» shaǵynaýdany, 185/8 mekenjaıynda ornalasqan «Dostar Delıýks» az qabatty turǵyn úı keshenin buzý jumystary bastalǵanyn jazǵanbyz.
