Almatyda sheteldik azamattan birneshe oram esirtki tabyldy
ALMATY. KAZINFORM – Almatyda polıtsııa qyzmetkerleri esirtki tasymaldaǵan sheteldikti ustady.
Qalalyq polıtsııa departamentiniń málimetinshe, jeke tintý barysynda Úndistan azamatynan untaq tárizdi zat salynǵan birneshe oram tabylǵan. Saraptama qorytyndysy alynǵan zattardyń esirtki sanatyna jatatynyn kórsetken.
Qazir tártip saqshylary onyń «jasyryn qoıma» tásili arqyly júzege asyrylatyn kýrerlik qyzmetke qatysy bar-joǵyn tekserip jatyr.
– Medıtsınalyq kýálandyrý nátıjesinde kúdiktiniń psıhoaktıvti zattardy tutynǵany anyqtaldy. Atalǵan derek boıynsha materıaldar sotqa deıingi tergep-tekserý tártibimen tirkeldi, istiń barlyq mán-jaıy anyqtalady. Biz esirtki taratýdyń joldaryn júıeli túrde anyqtap, kýrerlik jelilerge tartylǵan tulǵalardy áshkereleý jumystaryn turaqty túrde júrgizip kelemiz, - dedi Almaty qalasy PD Esirtki qylmysyna qarsy is-qımyl basqarmasynyń bastyǵy Murat Jumabaev.
Eske salaıyq, Qyzylordada esirtki satýdan túsken qomaqty tabysty zańdastyrǵan top qolǵa tústi.