Almatyda sheteldik alaıaqtardyń call-ortalyǵy anyqtaldy

ALMATY. KAZINFORM - Quqyq qorǵaý organdary, «Qazaqtelekom» AQ jáne «Ksell» AQ arasynda jasalǵan ózara is-qımyl týraly memorandým sheńberinde qala prokýratýrasynyń úılestirýimen Almaty qalasy Polıtsııa departamentiniń qyzmetkerleri sheteldik alaıaqtyq call-ortalyqtyń zańsyz qyzmetiniń jolyn kesti.

Almaty qalalyq prokýratýrasy baspasóz qyzmetiniń habarlaýynsha, sheteldik azamattar Qazaqstan Respýblıkasynyń azamattaryn tarta otyryp, telefon arqyly alaıaqtyqtyń quqyqqa qarsy shemasyn uıymdastyrǵany anyqtaldy.

Qaskúnemder SIP-nómirlerdi satyp alyp, paıdalanǵan, olar arqyly aqsha urlaý maqsatynda azamattarǵa myńdaǵan alaıaqtyq qońyraýlar jasaǵan.

- Júrgizilgen jedel-tergeý áreketteriniń nátıjesinde call-ortalyqtyń jumys isteýin qamtamasyz etetin serverler anyqtalyp, toktan/jeliden ajyratyldy. Zańsyz áreketter tolyǵymen toqtatyldy. Qazirgi tańda sotqa deıingi tergep-tekserý júrip jatyr, - delingen Almaty qalalyq prokýratýrasynyń habarlamada.

Osyǵan deıin alaıaqtyq jasady degen kúdikpen izdeýde júrgen qazaqstandyq áıeldiń Túrkııada ustalǵany týraly jazdyq.