Almatyda shańǵy tebýdi jańa bastaǵandar úshin 35 km-den astam shańǵy trassasy salynady
ALMATY. KAZINFORM – Almaty SuperSki jobasynyń jetekshisi Tomas Tor Iensen Almatyda jańa taý shańǵysy kýrortyn salý aıasynda shańǵy tebýdi jańadan bastaýshylarǵa arnalǵan 35 shaqyrymnan astam trassa ashylatynyn málemdedi. Bul týraly Úkimettiń baspasóz qyzmeti jazdy.
— Búginde biz osyndaı taý shańǵysy kýrorttaryn salyp jatyrmyz, olar barshaǵa qoljetimdi bolýy kerek – jáne solaı bolady da. Kótergishter eńistiń tómengi jaǵynan shyńǵa kóterilý kezinde – balalar, eresekter jáne múgedektigi bar jandar paıdalana alatyndaı etip uıymdastyrylǵan, — dedi ol.
Onyń aıtýynsha, jobany iske asyrý barysynda qorshaǵan ortaǵa qamqorlyqqa erekshe nazar aýdarylady.
— Sondyqtan biz kótergishter men trassalardy salý kezinde tabıǵı ortany buzbaý maqsatynda qazý jumystaryn barynsha azaıtamyz, — dep atap ótti Tomas Tor Iensen.
Partner kompanıı «Horwath HTL» Sınısha Topalovıch rasskazal, na chem sosredotochatsıa prı realızatsıı proekta po stroıtelstvý gornogo klastera.
— Biz 2025 jyly ne isteı alamyz? Birinshiden, sizde kótergish jáne jylyna 1,5 mıllıon kelýshi bar. Sondaı-aq, Shymbulaqta salystyrmaly túrde shaǵyn demalys aımaǵy bar ekenin kórip otyrmyz, munda kelgisi keletinder kóp. Munyń bári birneshe jyl buryn jobalanǵan jáne jabdyqtalǵan. Qazir biz ony Almaty sýper shańǵy bazasy dep ataımyz. Medeýden ústirtke kóterile alamyz. Sondaı-aq sizde jańadan bastaýshylarǵa arnalǵan túsýler bar jáne bul kóptegen taý shańǵyshylaryn tartatyn aımaq retinde Shymbulaq úshin tamasha. Ony odan ári uıymdastyrýǵa kóptegen múmkindikter bar. Munda shamamen 1,5 mıllıon kelýshi keletinin eskersek, muny isteý qıyn emes.Biz 65 shaqyrym betkeılerdi kóremiz, al aımaqtyń óziniń ótkizý qabileti 10 myńǵa jýyq. Munda Ortalyq Azııadaǵy eń úlken demalys aımaǵyn qurýǵa bolady dep esepteımiz», — dep esepteıdi PGI management Prezıdenti Djoan Vıladomat.
Aıta keteıik, búgin Premer-mınıstr Oljas Bektenov Almatyǵa jumys sapary barysynda Almaty taý klasteri aýmaǵyn tikushaqpen aralap kórdi.