Almatyda shamamen 2 mlrd teńgeniń veıpi tárkilendi
ALMATY. KAZINFORM – Almatyda tyıymǵa qaramastan, elektrondy temekilerdi zańsyz satý toqtamaı otyr.
Almatydaǵy ekonomıkalyq tergep-tekserý departamenti basqarmasynyń basshysy
tyń aıtýynsha, veıpterdiń zańsyz aınalymy kámeletke tolmaǵandarǵa qaýipti bolyp otyr.
Ol bul qylmys úshin Qazaqstan Respýblıkasy Qylmystyq kodeksiniń 301-1-babyna sáıkes aıyppul, qoǵamdyq jumys, qamaýǵa alý, uıymdasyp istep, iri kólemmen ustalsa bes jylǵa deıin bas bostandyǵynan aıyrý jazasy bar ekenin eske saldy.
– Soǵan qaramastan, kóleńkeli saýda júrip jatyr. Byltyr osyndaı toǵyz qylmystyq is tirkeldi, 12 onlaın-dúken men veıp suıyqtyǵyn jetkizetin úsh arnanyń qyzmeti toqtatyldy. Zańsyz aınalymnan 1,8 mıllıard teńgeniń ónimi tárkilendi, – dedi Jaqsylyq Quttyqov.
Máseleniń medıtsınalyq qyryn Almaty psıhıkalyq densaýlyq ortalyǵynyń dırektory Sapar Rahmensheev túsindirdi.
Mamannyń sózinshe, veıpterdiń qaýipsizdigi ǵylymı túrde rastalmaǵan.
– Tipti nıkotınsiz veıptiń ózi densaýlyqqa qaýipti. Quramynda kantserogender bar bý tynys alý músheleri men júrek-qan tamyrlary júıesine keri áser etedi. Onyń áseri jınaqtalyp, ýaqyt óte kele bronh demikpesine, sozylmaly bronhıt pen júrek aýrýyna alyp kelýi múmkin, – dedi ol.
Onyń aıtýynsha, balalar men jasóspirimderdiń veıp qoldanýy erekshe alańdaýshylyq týǵyzady.
– Hosh ıistendirgish pen aýyr metaldar aǵzanyń jetilýine atsalysatyn endokrındik júıege áser etedi. Jasóspirim kezde bul asa qaýipti. Qazirdiń ózinde basy jıi aýyryp, este saqtaý qabileti tómendep, ashýshań bolyp, depressııaǵa ushyraǵandardan biraz shaǵym tústi, - dedi ortalyq dırektory.
Eske salaıyq, buǵan deıin Almatyda tárkilengen 180 myńnan astam veıp tegis joıylǵanyn habarlaǵanbyz.