Almatyda shahmattyń klassıkalyq túrinen Qazaqstan chempıonaty ótedi
ASTANA. KAZINFORM — El birinshiligi shveıtsarııalyq júıe boıynsha júrgiziledi.
El birinshiligi 9-17 naýryz aralyǵynda bolady. Oǵan qatysýshylar arasynda burynǵy jyldarda jeńimpazdar qatarynan kóringen Abzal Ámirálı, Arystan Isanjýlov, Krıstına Popandopýlo, Arnash Baýyrjan jáne Ásııa Asylhan bar.
El birinshiligine barlyǵy 159 shahmatshy qatysady. Oǵan halyqaralyq deńgeıdegi sheber (IM), 10 FIDE sheberi (FM) jáne FIDE-niń áıelder arasyndaǵy 5 sheberi (WFM) shaqyrý alǵan.
Jarystyń jalpy júlde qory — 3,3 mln teńge. Jeńimpazǵa -750 000, kúmis júldegerge — 550 000, qola júldegerge — 350 000 teńge beriledi.
Jeńimpazdar men júldegerler 20 mamyr men 2 maýsym aralyǵynda Astana qalasynda bolatyn Qazaqstan chempıonatyna joldama alady.
Eske salsaq, budan buryn Qyzylordalyq oqýshy shahmattan álem chempıonatynda qola medal aldy.