Almatyda sapasyz qurylys júrgizgen 8 kompanııa lıtsenzııasynan aıyryldy

Almatyda jyldyń basynan beri sapasyz qurylystan 1 myńnan astam kemshilik anyqtaldy, dep habarlaıdy Kazinform jergilikti ákimdikke silteme jasap. 

Bıyl júrgizilgen jospardan tys tekserý aıasynda Almatynyń qala qurylysyn baqylaý basqarmasy 1140 zańbuzýshylyqty anyqtap, ony joıýǵa 634 uıǵarym bergen. 

Sapasyz qurylys úshin 68 uıym, al tıisinshe baqylamaǵany úshin 8 tehnıkalyq qadaǵalaý uıymy jáne 25 tehnıkalyq qadaǵalaý sarapshysy attestatty 6 aı merzimge toqtatýǵa tıis.

ÁQBtK 312-baby 2-bóligi boıynsha 8 kompanııa qurylys lıtsenzııasynan aıyryldy:

— «ARTEMIDA LTD» JShS;
— «TrıA Holdıng» JShS;
— «Remstroı» JShS;
— «ABM Building» JShS (lıtsenzııanyń kishi túri);
— «Debo Stroy» JShS (lıtsenzııanyń kishi túri);
— «EDІL-STROI SERVIS» JShS (lıtsenzııanyń kishi túri);
— «Aq Ordasy korporatsııasy» JShS (lıtsenzııanyń kishi túri);
— «DP ENGINEERING GROUP» JShS (lıtsenzııanyń kishi túri).

Kishi túrinen aıyrylǵan kompanııalarǵa basqarma olardyń lıtsenzııasynan tolyq aıyrý úshin narazylyq engizgenin atap ótken jón.