Almatyda sandyqtar kórmesi ótip jatyr
ALMATY. KAZINFORM — Almatydaǵy memlekettik ortalyq mýzeıde sandyqtar kollektsııasynyń kórmesi ótip jatyr. Kórmege mýzeı qoryndaǵy 15 sandyq qoıyldy.
Mýzeıdiń aǵa ǵylymı qyzmetkeri Rústembek Shoıbekovtyń aıtýynsha, qazaq qolónerinde sandyqtar negizinen qaıyń jáne qarataldan jasalǵan.
Olardyń kóptegen túri bar. Kebeje azyq-túlik saqtaýǵa arnalǵan.
Syrty terimen qaptalyp, kúmis, mys shytyrlarymen, qatyrma oıý-órnektermen bezendirilip jasalatyn sandyqtyń túri jaǵlan dep atalady.
«Jasalý materıalyna, kólemi men atqaratyn qyzmetine oraı sandyqtar jaǵlan, kebeje, abaja, abdyra, ábdire, aqyret sandyq, qolsandyq, shaısandyq, aǵash sandyq, súıektelgen, oımyshty sandyq dep atalady. Kólemi shaǵyndaý jáne neǵurlym kishkene keletin árji, bógire, bógirebas, jaǵdan, tekshesandyq degen túrleri de bar»,- dedi ol.
Kórmege 15 sandyq qoıyldy.
Onyń basym bóligi ortalyq mýzeı qoryndaǵy HH ǵasyrdy qamtıtyn jáne ár jyldary elimizdiń túrli óńirinen jınaqtalǵan sandyqtar.
Kórme ulttyq dástúri men halqynyń mádenıetin tereń tanyǵysy keletin árbir azamatqa qundy aqparat beredi.
