Almatyda reıderlik shabýyl jasaǵan bir top adam ustaldy

ALMATY. KAZINFORM — Almaty polıtsııasy zańsyz áreketter jasady degen kúdikpen bir top azamatty ustady.

Qalalyq polıtsııa departamentiniń málimetinshe, birneshe adam úı-jaıǵa zańsyz kirip, ıelerine kúsh qoldanyp, óz talaptaryn oryndatýǵa tyrysqan. Kúdiktiler syrtqy beınesi atys qarýyna uqsas zatty paıdalanǵan.

— Bul jaıt azamattardyń ómiri men densaýlyǵyna naqty qaýip tóndirdi. Jedel-tergeý is-sharalarynyń nátıjesinde atalǵan qylmysqa qatysy bar barlyq tulǵalar ustaldy. Qaýip tóndiretin zattar zańsyz aınalymnan tárkilendi. Atalǵan derek boıynsha qylmystyq is qozǵalyp, qazirgi ýaqytta kúdiktilerge qatysty sotqa deıingi tergep-tekserý amaldary júrgizilip jatyr, — dep habarlady departamentten.

Eske salaıyq, buǵan deıin Almatyda ınternet-alaıaqtyq isine qatysty 10-nan astam adam ustaldy.