Almatyda iri qurylys nysany buzylyp jatyr

ALMATY. KAZINFORM – «Ermensaı» shaǵyn aýdany Jáńgir han kóshesi, 46 mekenjaıynda ornalasqan úsh qabatty turǵyn úı buzylyp jatyr. Bul týraly Almatynyń qala qurylysyn baqylaý basqarmasy habarlady. 

Almaty ákimdiginiń málimetinshe, tekserý kezinde nysan ıesiniń qurylysqa ruqsat beretin tıisti qujaty joq ekeni jáne joba syzbasynyń qate bolǵany anyqtalǵan. Osyǵan baılanysty menshik ıesine ákimshilik sharalar qoldanylyp, zańbuzýshylyqtardy joıý týraly nusqama berilgen.

– Alaıda nusqama talaptary oryndalmaǵandyqtan, Bostandyq aýdandyq sotyna nysandy súrý týraly talap-aryz berildi. Budan keıin uzaqqa sozylǵan sot protsesi júrdi. 2023 jyly 15 tamyzda Joǵarǵy sottyń qaýlysymen alǵashqy sot ınstantsııasynyń nysandy buzý jónindegi sheshimi ózgerissiz qaldyryldy. Keıinnen Almaty qalasy Ádilet departamentinde oryndaý protsesi bastaldy, - dep túsindirdi ákimdikten.

Jaqynda sot oryndaýshylarynyń qatysýymen nysandy buzý jumystary bastaldy.

Eske salaıyq, buǵan deıin Almatyda zańsyz kólik jýý orny súrildi.