Almatyda iri qoıma órtenip jatyr

ALMATY. KAZINFORM – Órt sóndirýshilkr Jetisý aýdanynda tilsiz jaýmen kúresip jatyr.

Almaty qalasy TJD málimetinshe, saǵat 09:52-de Tobaıaqov kóshesinde ot shyqqan qoımaǵa qutqarýshylar joǵary dárejeli dabylmen jiberilgen. Oqıǵa ornyna jetkende, qoıma ashyq jalynmen janyp jatqany anyqtalǵan.

- Órt sóndirý oqpandary jáne avtotsısternalar órt gıdranttaryna engizildi. Osylaısha sýdyń úzdiksiz berilýi qamtamasyz etildi. Órtti sóndirý jumystaryn Almaty qalasy TJD bastyǵy jeke ózi basqaryp otyr. Oqıǵa ornynda jedel shtab jumysy uıymdastyrylyp, úsh órt sóndirý ýchaskeler quryldy, qaladaǵy ózara is-qımyl jasaıtyn barlyq qyzmetter jumyldyryldy, - dep habarlady TJD.

Eske salaıyq, buǵan deıin Qazgıdromet elimizdiń birqatar óńirinde aýa raıyna baılanysty eskertý jasady.