Almatyda plastıkalyq tereze jasaıtyn tseh órtendi

Almatyda búgin túnde plastıkalyq tereze jasaıtyn tseh otqa orandy, dep habarlaıdy Kazinform.

Almatyda otqa oranǵan tsehtyń vıdeosy áleýmettik jelide tarady. 

Vıdeodaǵy jazbada órt "Shapaǵat" shaǵyn aýdanynda túngi 3.00-4.00 arasynda bolǵany jazylǵan.

Almaty qalalyq tótenshe jaǵdaılar departamentiniń málimetinshe, TJD kúshteri men quraldary 12 qazan túngi saǵat 04:28-de shaqyrýdyń joǵary dárejesi boıynsha Alataý aýdany, "Shapaǵat" shaǵyn aýdany, Uıǵyr kóshesi, 57-úıge jiberildi.

"Órt ornyna jetken sátte plastıkalyq terezelerdi jasaıtyn tsehtyń ashyq jalynmen órtenip jatqany anyqtaldy. Órt kórshi stolıarlyq tsehke aýysa bastady. Órttiń aýmaǵy S=500 m2 qurady. Órtti sóndirý joǵary janǵysh júktememen (aǵash) jáne sý kózderiniń qashyqtyǵymen qıyndady", - dep habarlady qalalyq TJD-da.

Órt tańǵy saǵat 06.18-de oqshaýlanyp, saǵat 07.07-de joıyldy. Qabyldanǵan sharalarmen úsh turǵyn úıdi (batysta, ońtústik pen soltústikte) jáne ýaqytsha úı órtten aman qaldy. Sondaı-aq órtten qaza tapqandar bolǵan joq.

Órtti sóndirýge TJD-dan 73 órt sóndirýshi, 22 tehnıka, "Almaty Sý" mekemesinen 2 sýarý jýǵysh kólikteri jumyldyryldy. Órttiń sebebi anyqtalýda.