Almatyda paıdalaný merzimi ótip ketken 45 lıft bar

ALMATY. KAZINFORM — Almatyda byltyr 54 kópqabatty úıdiń 100 lıftisi jańartyldy.

Almatynyń kommýnaldyq ınfraqurylymdy damytý basqarmasynyń dereginshe, megapolıste 13 611 lıft tirkelgen, onyń 7 620-sy qalanyń turǵyn úı qoryna tıesili. Paıdalaný merzimi 25 jyldan asyp ketken 45 lıft bar.

— Turǵyndardyń qaýipsizdigin qamtamasyz etý maqsatynda 2022 jyly 170 kóppáterli turǵyn úıde 358 lıft jańartyldy. 2023 jyly «Turǵyn úı-kommýnaldyq sharýashylyq ınfraqurylymyn damytý tujyrymdamasy» memlekettik baǵdarlamasy aıasynda 177 turǵyn úıdegi 222 lıft aýystyryldy, — dep habarlady ákimdikten.

Al, byltyr 54 kópqabatty úıdiń 100 lıftisi jańartyldy.

Eske salaıyq, 2025 jyldyń 15 aqpanynan bastap Keden odaǵynyń jańartylǵan Tehnıkalyq reglamenti kúshine enedi, oǵan sáıkes 25 jyl qyzmet etken lıftilerdi aýystyrý qajet.

Aıta keteıik, elordadaǵy turǵyn úılerdiń biriniń lıftinde jasóspirimniń kishkentaı balaǵa pyshaqpen shabýyl jasaǵany týraly aqparat taraǵan bolatyn.

Keıin shabýyl jasaǵan jasóspirim arnaıy psıhonevrologııalyq esepte turǵany belgili boldy.