Almatyda patrýldik kólik jol apatyna ushyrady

Almatyda ál-Farabı dańǵylynda patrýldik kólik jol apatyna ushyrady, dep habarlaıdy dep habarlaıdy Kazinform. 

Jelide apat ornynan túsirilgen vıdeo tarap jatyr. 

Polıtsııa departamentiniń málimetinshe, jol-kólik oqıǵasy 14 qańtar kúni saǵat 16:10-da boldy.

«Toyota» avtokóliginiń júrgizýshisi ál-Farabı dańǵylymen batys baǵytta kele jatyp, Dostyq dańǵylynyń qıylysynda esinen tanyp qalyp, Dostyq dańǵylynyń boıymen ońtústik baǵytta kele jatqan avtobýspen soqtyǵysqan. Odan ári Toyota ınertsııamen jol boıynda turǵan «Chevrolet» patrýldik kóligine soǵyldy», - dep habarlady qalalyq Polıtsııa departamentiniń baspasóz qyzmeti.

Zardap shekken eki adamǵa – Toyota júrgizýshisi men polıtsııa qyzmetkerine medıtsınalyq kómek kórsetildi. Basqa mán-jaılar anyqtalyp jatyr.