Almatyda órtenip jatqan úıden 17 adam qutqaryldy
ALMATY. KAZINFORM – Almatyda órt sóndirýshiler janyp jatqan úıden 17 adamdy qutqardy.
Almaty qalalyq Tótenshe jaǵdaılar departamentiniń málimetinshe, 20 aqpan túngi saǵat 01.53-te Bostandyq aýdany, Ótepov kóshesinde ornalasqan 13 qabatty turǵyn úıdiń ekinshi qabatyndaǵy páterden órt shyqty.
Baspaldaqtarda qatty tútin paıda bolyp, azamattardyń ómiri men densaýlyǵyna qaýip týyndady. Dereý gaz-tútinnen qorǵaý qyzmetiniń býyndary turǵyn úı kesheniniń turǵyndaryn evakýatsııalaý jáne qutqarý boıynsha jumystar júrgizdi.
«Órt sóndirýshiler qutqarý qalpaqtarynyń kómegimen 2 adamdy qutqaryp, 15 adamdy evakýatsııalady. Saǵat 02:39-da órt sóndirildi. Qaıtys bolǵandar men zardap shekkender joq. Qabyldanǵan sharalardyń arqasynda kórshi páterler aman qaldy», - dep habarlady vedomstvodan.
Órtti sóndirýge TJD jeke quramynan 35 adam, 11 tehnıka jáne qalanyń shuǵyl is-qımyl qyzmetteri jumyldyryldy.
