Almatyda órt shyqqan úıden 70 turǵyn evakýatsııalandy
Almatyda Bostandyq aýdanynda ornalasqan turǵyn úıdiń elektr taratý jelisinen órt shyǵyp, dálizdi qoıý tútin basqan. Nátıjesinde bir otbasy qutqarylyp, 70 turǵyn evakýatsııalandy, dep habarlaıdy Kazinform.
Almaty qalalyq TJD-nyń málimetinshe, 3 jeltoqsan kúni saǵat 20:17-de órt sóndirýshiler Bostandyq aýdany, Rozybakıev kóshesi, 208 mekenjaıyna jiberildi. Oqıǵa ornyna 4 mınýtta jetken órt sóndirýshiler qysqa tuıyqtalýdyń sebebinen 4-qabatty turǵyn úıdiń 3, 4-shi qabattarynda elektr taratý jelisinen órt shyqqanyn.
«Úıdiń dálizin qoıý tútin basyp, páterlerinde qalyp qalǵan turǵyndardyń ómiri men densaýlyǵyna qaýip tóndi. Bul rette órt sóndirýdiń basshysy durys sheshim qabyldady. Nátıjesinde gaz-tútinnen qorǵaý qyzmetiniń býyndary qurylyp, onyń kómegimen órt sóndirýshiler 4 adamdy – páter ıesin, onyń jubaıyn, 1999 jyly týǵan qyzy men 71 jastaǵy atany taza aýaǵa shyǵardy, sondaı-aq, 70 adam evakýatsııalandy. Aıtý kerek, qysqy maýsymda órt shyqqan kezde adamdar bar nysandarǵa jylytý men ýaqytsha ornalastyrý úshin tehnıka jiberiledi», - dep habarlady Tótenshe jaǵdaılar departamentinen.
Órt saǵat 20:40-ta tolyq sóndirildi. Órtke qarsy 25 adam, 7 tehnıka jumyldyryldy. Qabyldanǵan sharalardyń arqasynda qaza tapqandar men zardap shekkender bolǵan joq. Evakýatsııalanǵan turǵyndar aýrýhanaǵa jatýdan bas tartty.
