Almatyda naýryzdan bastap kezekshi HQKO-lar aýysady
ALMATY. KAZINFORM — «Azamattarǵa arnalǵan úkimet» memlekettik korporatsııasynyń Almaty fılıaly naýryzdan bastap kestege sáıkes qalada úsh kezekshi halyqqa qyzmet kórsetý ortalyǵy bolatynyn habarlady.

Olar: Nurkent yqshamaýdany, 5/17 mekenjaıyndaǵy Alataý aýdandyq HQKO, Bógenbaı batyr kóshesi, 221 mekenjaıynda ornalasqan Almaly aýdandyq HQKO jáne «Almagúl» shaǵyn aýdany, Hodjanova kóshesi, 9a mekenjaıy boıynsha ornalasqan Bostandyq aýdandyq HQKO. Bul ortalyqtar azamattardy 9:00 — 20:00 aralyǵynda, al senbi kúnderi 13:00–ge deıin qabyldaıtyn bolady.
Sondaı-aq azamattardy Aqqaınar kóshesi, 1 jáne Aqsýat kóshesi, 118 mekenjaıy boıynsha ornalasqan eki mamandandyrylǵan halyqqa qyzmet kórsetý ortalyǵy qabyldaıdy.
Qalanyń qalǵan HQKO-lary ádettegi keste boıynsha dúısenbi men juma aralyǵynda 9:00–den 18:00–ge deıin jumys isteıdi.
Eske salaıyq, kezekshi halyqqa qyzmet kórsetý ortalyqtary 3 aı saıyn aýysyp otyrady.
Buǵan deıin byltyr elimizde 123 651 jup nekelesip, 40 647-si ajyrasqanyn jazǵanbyz.